Видео: Би дозволиле ли да ви го наполнат фрижидерот со храна?
Објавено во: Економија 24 Септември, 2017
Американскиот трговски гигант Walmart кој е под голема закана од конкуренти како Amazon со Whole Foods синџирот на маркети и слабото онлајн присуство реши да воведе нова храбра стратегија.
Walmart ќе побара од купувачите нивна дозвола за нарачките со храна да им бидат доставени до домот, па дури и тие да не се таму куририте би им го наполниле фрижидерот со намирниците.
Постапката на достава ќе биде надгледувана преку апликацијата August со која се контролираат смарт бравите. Корисникот ќе му даде лозинка на доставувачот на храната која е само за една употреба, а ако има поврзано и камери во домот ќе може да види се што се случува.
Новиот систем на достава на Walmart веќе се тестира во Силиконската долина во Калифорнија каде има повеќе стартап и технолошки компании отколку жители, па прашање е дали овој бизнис модел е применлив на цела територија на САД.