ВИДЕО: Ердоган прв се возеше низ тунелот „Евроазија“
Објавено во: Балкан, Стил 09 Октомври, 2016
Турскиот претседател Реџеп Таип Ердоган прв се возеше низ првиот тунел, кој под Босфорот ги поврзува европската и азиската страна на Истанбул.
„Денеска го изведовме последното пробно возење низ еден од историските турски проекти“ - изјави Ердоган.
Ова е најновиот мегапроект во тој турски град. На фотографиите, кои ги објави кабинетот на Ердоган се гледа првото возење низ тунелот „Евроазија“. Ердоган вчера беше зад воланот на црн автомобил, на местото на совозачот беше премиерот, Бинали Јилдирим, а со нив беше и министерот за сообраќај, Ахмат Арслан.
Изградбата на тунелот долг 5 километри, на две нивоа почна во 2011 година. Тунелот за јавноста ќе биде отворен на 20 декември. Благодарение на тунелот од едната до дргугата страна на Истанбул наместо за 100 минути ќе може да се стигне за 15 минути.
Арслан изјави дека возачите употребата на тунелот „Евроазија“ ќе ги чини четири евра плус данок.
Проектот чинеше околу 1,25 милијарди долари.
Во август Ердоган отвори спектакуларен мост во Истанбул.