(ВИДЕО) Facebook го менува дизајнот на мобилните профили на корисниците
Објавено во: Стил 01 Октомври, 2015
„Facebook“ претстави уште промена во социјалната мрежа. Овој пат мобилната верзија на профилите на корисниците е во фокус, со што веќе има нов дизајн.
Една од најголемите промени е можноста да се сними сосема кратко видео кое може да се стави наместо профилната слика.
Покрај тоа, корисниците ќе можат да додадат привремена профилна слика, која по зададен од нив период автоматски ќе се отстранува и ќе се врати старата.
Според „Facebook“ ова може да е „визуелен статус кој ќе покажува што се случува околу корисникот“.
Луѓето ќе имаат поголема контрола над информациите што се покажуваат во нивните профили. Повеќе полиња ќе можат да се персонализираат по желба на корисникот. Се воведува и поле за прикажување на пет избрани по корисник фотографии кои ќе се гледаат од сите посетители на профилот.
Дизајнот на профилите исто така е изменет, како да се става сликата на потребното централно место, како и големината. Новите профили почнуваат да се активираат во фази, прво во Британија и Калифорнија.
