(ВИДЕО-ФОТО) ИСПОВЕД НА ЧОВЕКОТ ЧИЈ ФРИЖИДЕР ЈА ЗАПАЛИ КУЛАТА ВО ЛОНДОН: Во шок сум, ме прогонува пожарот и смртта на моите соседи

Добивај вести на Viber

Таксистот од Етиопија Бехаи Кебеде (44), чиј расипан фирижидер наводно го предизвикал пожарот во облакодерот во Лондон, каде загинаа најмалку 17 луѓе, изјавил дека е потресен од трагедијата која засекогаш ќе го прогонува.

Според последни информации на британски медиуми, во пожарот во кулата загинале 30 луѓе.

Кебеде, кој има едно дете живеел на четврт кат. Во моментите  на несреќата спиел. Го разбудил силен тресок-нешто се случило во комбинираниот фижидер и замрзнувач. Станал и видел искри од фрижидерот, па веднаш го вклучил противпожарниот аларм. Кога во видел пламенот, веднаш излетал и ги алармирал соседите. Така спасил стотина животи.

"I do believe the number will increase," says Met Police Commander Stuart Cundy. At least 30 people died in the #GrenfellTower fire pic.twitter.com/7dAdKJxCAj

— Sky News (@SkyNews) June 16, 2017

„Контактирал со полицијата и се им објаснил. Тој е во страшен шок. Ми рече дека видел чад и веднаш почнал да им тропа на врата на соседите. Го прогонува тоа што го видел“, раскажува еден негов пријател за „Мирор“.

Кебеде живее во кулата Гренфел од 1990 кога дошол со двајцата помали браќа и побарал азил. Неговите пријатели раскажуваат дека не може да ја надмине оваа трагедија.

„Живееше тука со години и не може да се носи со несреќата бидејќи ги познавал повеќето настрадани и исчезнати. Раскажува за девојчето кое го познава и колегата таксист кој не го слушнал ниту видел од пожарот, а потоа се „скршува“. Не ни помислувал дека целата зграда ќе биде уништена и дека толку луѓе ќе настрадаат. Често повторува: „Луѓе загинаа, не можам да поднесам“. Се криви себе си иако е свесен дека ништо не можел да направи“, раскажува неименуван пријател на Кебеде.

„Беше точно 00.50 часот кога слушнав дека некој тропа на врата. Спиев цврсто, но тропањето ме разбуди. Ја видов торбата со негови работи пред станот. Бидејќи ја оставил вратата отворена, видов дека гори во кујната. Пожарот не беше силен, но не го слушнав алармот“, раскажува неговата прва сосетка Мериа Адам за британски „Сан“.

Пожарникарите во  00.54 добиле дојава за пожарот и стигнале за само шест минути, но огнената стихија брзо се ширела.

Есте Мерид, другиот пријател на Кебеде, вели дека тој не е во состојба да разговара со никој. Меѓудругото, полицијата му рекла да не зборува за детали околу несреќата бидејќи истрагата е во тек. Новинарот на Сан го повикал телефонски, но Кебеде само кратко рекол: „Не можам ништо да кажам, презафатен сум моментално. Довидување“.