(ВИДЕО-ФОТО) ПОМОР ВО НОВ ЗЕЛАНД: 400 китови насукани на плажа, повеќе од 300 умреле

Добивај вести на Viber

Повеќе стотина граѓани на Нов Зеланд учествуваат во акција на спасување китови кои се насукале на брегот Фервел Сплит на Јужниот остров.

Се насукале околу 416 китови, а досега загинале повеќе од 300, што е најлош таков случај на Нов Зеланд.

Научниците не знаат поради што точно толку китови се насукале. Некогаш се случи да стари, болни или повредени китови направат грешки во навигацијата и влезат во плитки води, од кои не можат да излезат.

Се случува еден од нив, кога се најдат во таа ситуација, им праќа сигнал на останатите , кои завршат како тој.

Претставници наведуваат дека информацијата за тоа дека китовите се насукале ја добиле во четвртокот вечерта, но дека операцијата на спасување не ја покренале до утринава, бидејќи било премногу опасно да се работи било што во мрак.

„Успеавме да вратиме неколку китови, но има многу мртви во плитка вода. Тоа е многу, многу тажно. Една од најубавите работи е тоа што неколку китови успеавме да ги вратиме во длабоки води и нивните младенчиња ги следеа“,наведува волонтерката Ана Вајлс.

Невладините организации за заштита на животни наведуваат дека Нов Зеланд ја има една од најголемите стапки на светот - околу 300 делфини и китови секоја година завршуваат на плажите токму на Фервел Сплит.

Експерти велат дека плитката вода ги збунува китовите и ја измамува нивната способност на навигација. Во февруари 2015 околу 200 китови се насукале на истата локација, и од нив речиси 200 починале.