(ВИДЕО) Грчките вооружени сили се во состојба на подготвеност поради турските „провокативни делувања“
Објавено во: Балкан 24 Јуни, 2019
Нови тензии има меѓу Грција и Турција.
Грчките вооружени сили се во состојба на подготвеност поради турските „провокативни делувања“ во источниот Медитеран, објави грчкиот весник „Катимерини“.
И покрај повиците на Европската унија да се сопре барањето на нафта и гас во ексклузивната економска зона околу Кипар, Грција останува во состојба на подготвеност за да се спречи евентуална ескалација.
Клучно прашање во Атина е како да се реагира во случај Турција да направи истражувања во внатрешноста на, според тврдењата на официјална Грција, грчкиот континентален појас.
„Плановите првенствено се засноваат на маневрите на грчката воена морнарица, затоа што Турција користи истражувачки бродови за да го утврди своето присуство во регионот, меѓутоа и грчкото воено воздухопловство би имало улога во секој одговор“, пишува грчкиот весник.
Турските власти ја предупредија Европската унија дека секое мешање на Брисел во врска со ексклузивната економска зона околу Кипар, негативно ќе влијае на односите помеѓу Атина и Анкара, како и на решавањето на проблемот околу Северен Кипар.
Предупредувањето е испратено на адреса на 27 земји членки на Европската унија, освен на властите на Кипар кои официјална Анкара не ги признава.
Турските власти сметаат дека Европската унија треба да биде мудра и да не биде судија околу морските граници.
Турција тврди дека тој дел од ексклузивната економска зона се наоѓа во турскиот континентален појас. Официјална Анкара ги повторува своите ставови за еднаквите права помеѓу грчките и турските жители на Кипар и смета дека најдоброто решение е во креирање на мешовити комисии со претстаавници на двете страни.
Во спротивно, Турција е одлучна да ги заштити правата на турските ресурси во таа област, додава грчки „Катимерини“.
Можеби ќе ве интересира
АКО ЛЕТОВО ОДИТЕ ВО ЦРНА ГОРА, БИДЕТЕ ВНИМАТЕЛНИ, ЌЕ ЛЕТААТ КАЗНИ ДО ИЛЈАДА ЕВРА: Еве зошто властите одлучија да ги казнуваат туристите
АКО ВО СРБИЈА ВИ СЕ ОТВОРИ ШАНСА ДА РАБОТИТЕ НА ОВИЕ МЕСТА, ЌЕ ДОБИЕТЕ „МРСНА“ ПЛАТА: Некои професии се плаќаат и 300 илјади денари
ПРЕСУДА ЗА МАСАКРОТ ВО „РИБНИКАР“ МОЖНА Е ДО КРАЈОТ НА ГОДИНАТА?! Еве што кажа адвокатот на семејствата на убиените ученици
ДЕНОТ КОГА ЛИЦАТА НА ЈУГОСЛОВЕНИТЕ БЕА ПОКРИЕНИ СО СОЛЗИ: Реченицата „Другарот Тито е мртов“ влезе во историјата
Белгија се приклучи на листата на коспонзори на резолуцијата за Сребреница
ПРОГЛАСЕНА ВОНРЕДНА СОСТОЈБА ВО СОСЕДСТВОТО: Дождот создаде хаос, реката се излеа, луѓето и добитокот се евакуираат (ВИДЕО)
ШОКАНТНИ СЦЕНИ ПРЕД „РИБНИКАР“ - и родителите на убиените деца пристигнаа
ТРАГЕДИЈА КАКВА СВЕТОТ НЕ ПАМЕТИ - годишнина од масовното пукање во основното училиште во Србија
БРИТАНСКИ ПОЛИТИЧАРИ ТВРДАТ ДЕКА РУСИЈА САКА ДА ГО ДЕСТАБИЛИЗИРА БАЛКАНОТ: Дали странски војници ќе има и во Босна?
