(ВИДЕО) ИНЦИДЕНТ ВО ЕРУСАЛИМ: Макрон избрка израелски полицајци

Добивај вести на Viber

Францускиот претседател  Емануел Макрон побара денес од израелските полицајци да го пуштат во црквата Света Ана во Ерусалим. Тоа личеше на инцидентот кој се случи во 1996 година, при посетата на тогашниот француски преседател Жак Ширак.

Порача дека тоа е Франција и дека секој мора да ги почитува правилата. 

„Излезете надвор ве молам, никој не би требало да провоцира никого, дали е тоа јасно?“, кажа Макрон на англиски јазик.

Пред пристигнувањето на Макрон се судрија членови на француската група одговорна за неговата безбедност и припадниците на израелските сили за безбедност кои сакале да влезат во храмот, соопштија новинарите.

Макрон денеска во Ерусалим изјави дека негирањето на правото на постоење на Израел како држава е нова форма на антисемитизам, пренесоа француските медиуми. 

Тој се наоѓа во Ерусалим за одбележувањето на 75-годишнината од ослободувањето на нацистичкиот концентрационен логор Аушвиц.

Претходно Макрон разговараше со израелскиот премиер Бенјамин Нетанјаху и со претседателот Ревен Ривлин, кој ги поздрави напорите на Франција во борбата против антисемитизмот, вклучувајќи ја и неодамнешната резолуција.

Базиликата Света Ана ја подигнале крстоносците во 12 век и Отоманското царство ѝ ја понудило на Франција во 1856 година како една од четирите француски територии во Ерусалим. Макрон во Ерусалим учествува на петтиот Светски форум за Холокаустот, што се одржува денеска и утре.