(ВИДЕО) Мало дете падна во бунар длабок 100 метри
Објавено во: Свет 17 Јануари, 2019
Во Шпанија дете на возраст од 2 години паднало во длабок бунар, и по него се трага.
Малиот Џулен Росело, најверојатно се наоѓа на длабочина од 73 метри од бунарот, каде што падна во неделата додека со неговите родители биле на село.
Спасувачките екипи пронајдоа коса од двегодишното дете. Со ДНК-тестовите е потврдено дека детето се наоѓа во тесниот и многу длабок бунар, но до него, и по неколку дена од настанот, не може да се стигне.
Детето со своето семејство било во близина на селото Тоталан кога паднало во бунарот. Карлос Мендоза (49) од Малага, кој живее во Тоталан, во изјава за медиумите вели дека родини на семејството само што го купиле имотот пред неколку месеци, каде што планирале да градат куќа. Тие за викендот дошле на имотот.
„Ова е вистинска трагедија за селото, има само 600 луѓе тука и ние навистина сме вознемирени поради ова што се случи“, велат мештаните.
Додаваат дека ќе биде вистинско чудо ако детето сè уште е живо, но дека сите се молат тоа да се спаси.
Дупката во која паднало детето е длабока над 300 метри, но широка помалку од една педа. И некаде во длабочините на бунарот се верува дека е заробено двегодишното дете. Малиот Џулен Росело се лизнал во бунарот додека неговите родители се подготвувале за ручек во неделата.