(ВИДЕО) Мигранти киднапираа танкер со цел да стигнат до Малта
Објавено во: Свет 28 Март, 2019
Taкнер спаси мигранти, а тие потоа го киднапираа.
Мигранти ноќеска го киднапирале танкерот Ел Хибла 1, чиј екипаж претходно ги спасил од водите на Медитеранот во близина на либискиот брег. Се работи за повеќе од 100 мигранти.
Тие му наредиле на капетанот да го заврти бродот и наместо да ги врати назад во Либија, да ги однесе на Малта. Властите од Малта забранија влез на бродот во нивните територијални води, а во спротивно ќе реагира воената морнарица.
Танкерот тргнал на патување од Турција, плови под знаме на малата пацифичка земја Палау, а екипажот е турски. Киднапираниот брод го следат два воени брода на либиската морнарица.
Министерот за внатрешни работи на Италија, Матео Салвини ги нарече мигрантите на овој брод дека се пирати. Невладината организација „Медитеранеа сејвинг хјуман“ минатата недела апелираше до сите да не ги враќаат барателите на азил во Либија и наместо тоа да одредат безбедно пристаниште за нив.