(ВИДЕО) НАПАЃАЧОТ СЕ БАРА СО ХЕЛИКОПТЕРИ: Пукање во Холандија со жртви
Објавено во: Свет 18 Март, 2019
Најмалку едно лице загинало, а неколумина се повредени кога непознато лице отворило оган на луѓе во трамвај во Утрехт во Холандија.
Полицијата соопшти дека не ја исклучува можноста дека се работи за терористички напад.
Портпаролот на холандската полиција Јост Ланшаг изјавил дека пукањето во трамвај во Утрехт можеби има терористички мотив.
Нападот се случил рано утрово на периферијата од градо а полицијата ги блокирала улиците околу местото на нападот.
Холандскиот премиер Марк Рут рекол дека владата формирала кризен штаб.
Еден очевидец рекол за локалните медиуми дека видел четворица мажи како пукаат на плоштадот, а потоа избегале во различни страни.
Антитерористичката единица на полицијата и медицински екипи се упатени кон местото на настанот.
Напаѓачот избегал, потврдил портпаролот на полицијата. Полицијата исто така соопштила дека три хеликоптери се пратени во потрага по него.