(ВИДЕО) НАЦИСТИЧКА ВЕРЗИЈА НА БОЖИК: Како Хитлер ги користеше празниците за да ја шири својата пропаганда
Објавено во: Свет, Стил 26 Декември, 2015
Поранешниот германски диктатор Адолф Хитлер, меѓудругото, ги користеше и новогодишните празници за да ја шири својата пропаганда.
Над 40 000 луѓе кои го поддржуваа Хитлер, славеа и аплаудираа на неговиот празничен говор за Божик во 1921, каде порача дека „Германија нема да застане се додека не ги уништи Евреите”.
По говорот, публиката пеела празнични и национални песни, а работничката класа добивала и симболични поклони.
За германците периодот од 1920 до 1930 године беше прилично необичен кога е во прашање празнувањето на еден од најголемите христијански празници. Во овој период, Нацистичката партија, која во 1933 година дојде на власт на чело со Хитлер, посебно внимание обрнуваше на ширењето на нивната пропаганда.
Редефинирањето на традициите и воведување на нови симболи и ритуали, беше начинот на кој нацистите го зајакнуваа своето политичко влијание, користејќи ги христијанските празници.
Еден од највпечатливите карактеристики на прославата на празникот во нацистичкиот период е редефинирање на Божик како неопагански. Пропагаторите настојуваа да се елиминира христијанскиот аспект на празникот.
Наместо на раѓањето на Исус Христос, фокусот на празникот е ставен во величење на ариевската раса.
Уште во говорот од 1921 година, Хитлер повикува на расни чистки и промовира антисемитизам.
Плавокосите и плавооки членови на германските семејства, секоја година се појавуваа на насловни страници, со што се нагласувала „расната чистота”.
[embed width="700" height="450" ]https://www.youtube.com/watch?v=fPbtyT6weK4[/embed]