(ВИДЕО) ОД МИНУС 50 ДО ПЛУС 50: Екстремни температури oд САД и Австралија ја тресат планетата
Објавено во: Свет 01 Февруари, 2019
Америка ја погоди „арктички“ леден бран кој ги спушти температурите на -50, поради што градовите на средниот запад скоро престанале да функционираат, а екстремниот студ однесе досега неколку животи.
Од друга страна на планетата, во Австралија и на Нов Зеланд, се забележани високи температури поради кои асфалтот се топел. Додека на северната хемисфера Америка се бори со снег и студ, на јужната е целосна спротивност.
Јануари беше досега најтопол забележан месец во Австралија, додека во САД како последица на поларни студови смртно настрадаа најмалку 21 лице.
Во текот на горештините во Австралија пак на некои подрачја неколку дена по ред температурата била над 40 степени Целзиусови.
Горештините предизвикале прекини на струја во некои делови од земјата, цените на струјата драстично скокнале,а во пожари се уништени куќи во Тасманија.