(ВИДЕО) ОСТАР ОДГОВОР ОД ВАШИНГТОН: Не е исклучен удар на Северна Кореја
Објавено во: Свет 24 Април, 2017
Американската амбасадорка во ОН Ники Хејли не ја исклучува можноста од удар на САД против Северна Кореја ако Пјонгјанг тестира нова нуклеарна ракета.
Хејли гостувала на повеќе тв станици и при таа прилика ја пофалила улогата на Кина која се обидува да изврши притисок на Северна Кореја да прекине со тестирањата на ракети.
При таа прилика го критикувала севернокорејскиот лидер Ким како „нестабилен и параноиден“, пренесува агенцијата АФП.
„Нема да направиме нешто ако не ни се даде причина нешто да направиме, како што е нападот на американската воена база или употреба на интерконтинентална балистичка ракета“, рекла Хејли.
На прашањето што ќе се случи ако Северна Кореја повторно тестира ракети, Хејли за NBC одговорила: „Мислам дека тогаш претседателот стапува на сцена и одлучува што ќе следи“.