(ВИДЕО) Проектили од Газа истрелани кон Израел - запалено американско знаме
Објавено во: Свет 07 Декември, 2017
Неколку проектили се истрелани кон Израел од појасот Газа.
Станува збор за јужните реони Хоф Ашкелон и Шаар ха Негев. Израелската армија соопшти дека две ракети, истрелани од појасот Газа, не стигнале до израелската територија.
Во Рамала израелските сили за безбедност користеа и гумени куршуми и солзавец во судирите со Палестинците. Меѓу демонстрантите имаше и жени и деца. Сите фрлаа камења на припадниците на израелските полицајци. Запалено е и американското знаме.
Гумени куршуми користени се и во Витлеем, а хаос владее на улиците на Ерусалим, во делот каде живеат Палестинци.
До сега потврдени се 43 повредени лица, а како што велат од Црвениот крст, повеќето повреди се од гумените куршуми. и солзавецот.
Протестите се прелеаја и во Јемен.
Западниот дел на градот Израел го анектираше во 1948 година, додека источниот дел од градот го окупираше во 1967 година.