(ВИДЕО) Ресторан дава 5% попуст за примерни деца
Објавено во: Финансии 15 Февруари, 2017
Ресторан во Италија нуди 5% попуст за децата кои се примерни и убаво се однесуваат додека се во угостителскиот објект.
Ова се применува и дава резултати во Падова. Сопственикот, Антонио Ферари смислил начин како финансиски да ги мотивира децата да се однесуваат како што се очекува од нив на јавни места.
Ако децата бидат тивки и не пречат на другите за време на ручекот, родителите добиваат попуст.
„Кога родителите се безобразни, децата мислат дека можат да направат било што. Се качуваат на маса, прават неред со јадењата или ги нервираат другите гости“ - вели Ферари.
Со примерно однесување на децата, родителите можат да заштедат во просек по 13 евра.