(ВИДЕО) СЕВЕРНА КОРЕЈА ЛАНСИРАШЕ ПРОЕКТИЛ: Нови закани за САД и Јапонија
Објавено во: Свет 15 Септември, 2017
Во петокот рано утрово, од дистриктот Сунан во близина на Пјонгјанг е лансиран проектил.
Според објавени извештаи неидентификуван проектил се движел кон исток.
Јапонците во неколку перфектури се предупредени да најдат засолниште, откако е објавено дека е лансирана ракета. Ракетата наводно прелетала преку островот Хокаидо.
Неодамна снимените сателитски снимки покажуваат зголемена активност во близина на Пјонгјанг, локации за нуклеарно тестирање во Северна Кореја.
Централниот партиски весник на Северна Кореја Родонг синмун поради новото ракетно тестирање напиша дека никаков притисок однадвор нема да го натера Пјонгјанг да прекине со развојот на нуклеарно оружје и балистички ракети, ако САД и понатаму се однесуваат непријателски кон нив.
„Никаков притисок нема да влијае на нас“. Под овој наслов органот на Централниот комитет на Работничката партија на Кореја објавил на шестата страна студија во која се повикува САД да го послушаат Пјонгјанг.
„Ако САД и понатаму не ги слушаат нашите искрени совети, самозаштитата на нашата република само ќе се зајакне“. - пишува во весникот.