(ВИДЕО) Силен земјотрес го подигна копното на овој остров
Објавено во: Свет 11 Август, 2018
Земјотресот кој го погоди островот Ломбок, во Индонезија придонесе копното на островот да се подигне за 25 сантиметри, соопштуваат научниците.
Научниците на НАСА и Институтот за технологија на Калифорнија на основа на сателитските снимки од Ломбок, направени после земјотресот на 5 август воочиле промени на површината на островот.
Во северозападниот дел на островот, во близина на епицентарот, површината на копното е подигната за 25 сантиметри, додека на другите места паднала за 5 до 15 сантиметри.
Во земјотресот загинаа 387 луѓе. Спасувачките екипи сепак и понатаму продолжуваат со потрагата за да се осигураат дали има уште луѓе затрупани под урнатините.
339.000 луѓе или 10 % од популацијата на Ломбок, останале без домови, додека уништени се околу 68.000 домови. Индонезија се наоѓа во зоната на Пацифичкиот огнен прстен, која се карактеризира со засилена вулканска и сеизмичка активност.