(ВИДЕО ВО ЖИВО) Масакр во Нов Зеланд: 50 куршуми од терорист убија над 40 жртви
Објавено во: Свет 15 Март, 2019
Aвстралиски екстремист (28) отворил оган во џамијата Ал Нур во Нов Зеланд, во градот Крајстчерч. Пукал и во деца, а засега се потврдени 40 жртви.
Сведоците тврдат дека убиецот испукал околу 50 куршуми. Напаѓачот се претставил како Брентон Тарант од Графтон во Австралија.
Наводно, токму тој целиот масакар го пренесувал на Фејсбук а подоцна истото видео го објавил и на Инстаграм. Компанијата Фејсбук спорното видео го отстранила.
Крајстчерч е третиот по големина град во Нов Зеланд. Полицијата додала дека се приведени четворица други и открила неколку експлозивни направи.
Медиуимите од светот додаваат дека не се знае точниот број на жртви и дека нападите се случиле во две џамии кои биле полни со верници.
Повикувајќи се на изјави на очевидци, локални медиуми пренесуваат дека некои од напаѓачите носеле облека која потсетува на воена униформа.
На лице место е упатена и војската која ги деактивирала експлозивните направи пронајдени во возилата на приведените во близина на џамијата.