(ВИДЕО) Водителка ги нарече Трамп и Ким диктатори, по што мораше да се извини
Објавено во: Свет 11 Јуни, 2018
Водителката и ќерка на американскиот амбасадор во Русија, Аби Хантсман мораше да се извини откако самитот Трамп-Ким во живо го најави како „средба меѓу двајца диктатори“.
Хантсман рече „без оглед на тоа што ќе се случи на таа средба меѓу двајцата диктатори, она што го гледаме токму сега, ова е историја“, нејзините критичари веруваат дека станува збор за „фројдовски лапсус“. Гафот предизвика онлајн бура од потсмев.
Нејзиниот колега Ентони Скарамучи не ја приметува нејзината грешка и продолжува да зборува за самитот, пренесе АП.
Извадокот е споделен на социјалните медиуми на Фокс њус, вклучително и на Инстаграм и Твитер, омилени комуникациски медиуми на претседателот.
Хантсман јавно се извини, тврдејќи дека погрешила.