(ВИДЕО) Зошто новинар е исфрлен од прес-конференцијата на Ердоган и Меркел во Берлин?
Објавено во: Свет 29 Септември, 2018
Турскиот претседател Реџеп Таип Ердоган, кој е во посета на Германија на средба со канцеларката Ангела Меркел се осврна на прес-конференцијата на случајот на новинарот, Џан Дундар.
Дундар е осуден во Турција за откривање државни тајни и живее во егзил во Германија од 2016 година.
„Мислам дека знаете дека Џан Дундар е шпион... Наше основно право е да бараме негова екстрадиција“- вели Ердоган.
Но, прес-конференцијата, накратко беше прекината кога обезбедувањето исфрли надвор еден новинар.
Новинарот Ертгрул Јигит, кој носеше маичка на која пишуваше „Слобода за новинарите во Турција“, беше изнесен од просторијата додека Ердоган се смееше.
Затворањето на новинарите, а особено на германските државјани, е една од главните точки на тензиите меѓу Турција не само со германската влада, туку и со владите на многу западни земји.
Тие апсења и Ердогановата се поголема авторитарна власт предизвикаа критики на сметка и на Ердоган и на Меркел затоа што го повика во прва државна посета на Германија.