(ВИДЕО+ФОТО) Се урна авион врз трговски центар, има мртви
Објавено во: Свет 21 Февруари, 2017
Се урна авион врз трговски центар во северниот дел на Мелбурн.
Сите петмина патници загинаа, пилотот и четворица американски туристи. Мал авион од типот „Бичкрафт“ удри во шопинг центар, веднаш по полетувањето од аеродром во близина на градот.
„Причина за несреќата бил дефект во моторот на леталото. Малиот авион веднаш по полетувањето од аеродромот „Есенден“ удрил во покривот на трговскиот центар, кој се наоѓа веднаш до крајот на пистата. Во него се наоѓале пет патници и веројатно никој не ја преживеа несреќата“ - вели портпаролот на полицијата во Мелбурн, Стивен Лин.
Тој додаде дека инцидентот се случил изутринава, кога трговскиот центар се уште не бил отворен, па затоа нема и други жртви.
По падот имало пожар, а сведоци велат дека слушнале детонации.
Пилотот бил искусен, и требало туристите да ги однесе на островот Кинг.