(ВИДЕО+ФОТО) Силен земјотрес уби луѓе
Објавено во: Свет 06 Септември, 2018
Силен земјотрес ја погоди Јапонија при што најмалку 8 луѓе загинаа, а повеќе од 150 се повредени, додека 40 се водат како исчезнати.
Земјотресот од 6.7 степени го погоди островот Хокаидо во северниот дел на Јапонија.
Потресот уништи многу куќи и објекти, предизвика свлечишта, го прекина воздушниот и железничкиот сообраќај. Mногу луѓе се „заробени“ под урнатините.
Премиерот Шинзо Абе по катастрофата изјави дека 25 000 војници и спасувачки екипи ќе бидат веднаш испратени во областа за да помогнат во спасувачките операции. Неговата Влада формираше специјална единица во центарот за управување со кризи за информации за земјотресот.
Потресот бил со епицентар во близина на градот Сапоро. Околу 3 милиони жители се без електрична енергија.
Откажани се повеќе од 200 летови, што директно погоди 40.000 патници.
Фудбалскиот сојуз на Јапонија соопшти дека денеска е откажан пријателскиот натпревар против Чиле, по земјотресот кој го погоди островот Хокаидо. Натпреварот требаше да се одигра утре во Сапоро.Ова е прв земјотрес од 1996-та година на островот Хокаидо, кој е посилен од шест единици по Рихтер.