ВИКЕНД МЕДИА ФЕСТИВАЛ БЕЗ ЕДНОКРАТНА ПЛАСТИКА
Објавено во: Мои пари 16 Септември, 2019
На дванаесеттото издание на најголемиот Фестивал за комуникациската индустрија во Регионот кој се одржува од 19. до 22. септември во Ровињ, за прв пат ќе се користат посебно дизајнирани чаши за повеќекратна употреба со цел да се намали користењетои фрлањето на пластиката за еднократна употреба. На чашите, покрај логото на Фестивалот, ќе биде отпечатена и соодветна порака како со нивно користење ја чуваме планетата. По користењето, посетителите ќе можат да ја понесат чашата со себе како дополнителен сувенир од најдобриот “Викенд Медиа Фестивал“ во годината.
“Викенд Медиа Фестивал од секогаш 'размислува’ зелено, а тоа може да се види и од визуелниот идентитет и уредувањето на самиот фестивалски простор. Екологијата не ја сметаме само за тренд, туку и за стил на живот. Преку Фестивалот на кој нема да има пластика за еднократна употреба, сакаме да ја подигнеме свеста за екологијата и нејзиното значење, и воедно да се грижиме за природата колку што можеме“, истакна Томо Рицов, Директор на „Викенд Медиа Фестивал“.
Чашите за повеќекратна употреба ќе може да се земат од шанковите сместени во рамки на фестивалскиот комплекс во Старата фабрика за тутун во Ровињ. Посетителите, своите чаши ќе може да ги понесат со себе, но и да ги остават на однапред одредени пунктови.
Овогодишниот “Викенд Медиа Фестивал“ ќе обедини повеќе од 150 предавачи и панелисти, а овие три дена, повеќе од 5.000 учесници од сите земји во Регионот ќе можат да уживаат во богатата фестивалска програма која ќе се одржи на пет паралелни локации во рамки на Старата фабрика за тутун во Ровињ. Оваа година новина е “Викенд Мастерклас“ кој во најпрестижниот хрватски хотел, Гранд Парк Хотел Ровињ, го носи легендарниот управител на “Tag Heuer“и “Hublot“, Жан-Клод Бивер(Jean-Claude Biver). Тој, во четврток на 12. септември во 11 часот, ќе ги открие тајните на водењетона луксузни брендови и со ова ќе ја отвори овогодишната програма на Фестивалот.
Сите актуелни медиумски теми, како детали за интересните предавачи и стручни лица кои ќе учествуваат на овогодишниот Викенд Медиа Фестивал можете да погледнете во деталната програма на официјалната страна на фестивалот.
Можеби ќе ве интересира
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
TTK Банка АД Скопје по втор пат ја зголеми основната главнина преку скрип емисија на нови акции по пат на приватна понуда
ВТОР ДЕН ОД САМИТОТ НА МАКЕДОНИЈА2025: Дигитализацијата и елиминирање на корупцијата - предуслови за забрзан економски раст
Македонски Телеком со најголеми просечни брзини и најдобри резултати за вкупните перформанси на мрежата
Реномирани музичари, книжевници и актери се дел од програмата на „Видик“ – нов фестивал за литература и општа култура
Н.Д. ОД ТЕТОВО ГО ОСВОИ НАЈПОСАКУВАНИОТ СУПЕР МИЛИОНЕР ВРЕДЕН СКОРО 21 МИЛИОН ДЕНАРИ
Бимилк го прослави светскиот ден на семејството: НТЦ семинар за вработените и стручните лица од образовните институции со д-р Ранко Рајовиќ
„Макпетрол“: Со позитивна енергија во Градски Парк да застанеме на патот на врсничкото насилство
„Алкалоид“ со две признанија за придонес во безбедноста и здравјето на своите вработени
