Витанов вели дека ако Петков го тргне ветото утредента нема да биде премиер
Објавено во: Македонија 30 Мај, 2022
Ветото за Македонија не може да се тргува за „танкери, пари или Шенген“, велат бугарските социјалисти.
Додаваат дека има доста заложби Бугарија да го тргне ветото.
„Иако бугарскиот премиер Кирил Петков има силна желба да го тргне односно укине ветото за С. Македонија, тој нема да го стори тоа, бидејќи следниот ден нема да биде премиер, а владата ќе падне“, вели Петар Витанов, шеф на делегацијата на бугарските социјалисти во Европскиот парламент.
Тој рече дека бугарските граѓани нема да останат рамнодушни доколку владата одлучи да го укине ветото во сегашната состојба на преговорите.
Според него, фактот дека добивањето на парите од европскиот план за одржлив развој е забавено и логично може да се поврзе со бугарското вето за С. Македонија. Вели дека ова е еден вид на политички притисок на кој Бугарија не треба да подлегне. Бугарија во неколку наврати досега ја блокираше Македонија и не дозволи да почне преговори со ЕУ.