Владата разгледува концепт за јавно-приватно партнерство и за ТЕЦ Неготино и Македонски железници
Објавено во: Економија 14 Октомври, 2020
Премиерот Зоран Заев денеска одговарајќи на новинарско прашање реле дека покрај за Македонска Пошта, Владата подготвува терен за јавно-приватно партнерство и за уште неколку други јавни претпријатија во државна сопственост.
- Многу институции самите се за јавно-приватно партнерство, бидејќи не можат да се борат со отворените пазари. Такви примери има многу во Словенија, Австрија, Полска, Германија итн. Тоа е потребно за да имаме квалитетен поштенски сообраќај. Истото може да се случи со ТЕЦ Неготино , Македонски Железници, Еврокомпозит, Колска Велес. Тоа ќе биде една од преокупациите на Владата во следниот период, рече Заев, коментирајќи ја вчерашната одлука за физибилити студија за да се види кои се можностите за Пошта како акционерско друштво во сопственост на Владата.
Во игра е целосна продажба односно приватизација или преземање на компанијата со јавно приватно партнерство. Владата синоќа на седницата го утврдила новиот текст на Законот за изменување на Законот за поштенските услуги.
ТЕЦ Неготино во македонскиот електроенергетски систем е „ладна резерва“ додека Државната железничка транспортна компанија е најголем должник во земјата. Владата од поодамна бара инвеститори за велешката фабрика за шински возила „Колска" и прилепскиот загубар „Еурокомпозит"