Владата се пофали со растот на просечната плата
Објавено во: Економија 21 Јануари, 2021
Расте просечната нето плата, создаваме услови, велат од Владата.
Просечната месечна исплатена нето-плата по вработен во ноември лани била 27.588 денари и таа е повисока за 7 отсто во однос на истиот месец во 2019 година. Зголемувањето изнесува 1.801 денари. Во согласност со податоците на Државниот завод за статистика, во ноември 2020 во споредба со истиот месец 2019 година регистрирано е зголемување на нето платата по вработен во секторите: земјоделство, шумарство и рибарство (8,5 отсто), во преработувачката индустрија (7,3 отсто), снабдување со електрична енергија, гас, пареа, климатизација (4,9 отсто), информации и комуникации (9,4 отсто), финансиски дејности и дејности на осигурување (2 отсто), како и во останати бројни дејности.
„Дополнително, ваквото зголемување во најголем дел се должи и на зголемувањето на просечната месечна исплатена нето-плата по вработен во секторите: уметност, забава и рекреација (11,2 отсто), дејности на здравствена и социјална заштита (11,2 отсто) и образование (9,5 отсто). Највисоки нето-плати се регистрирани во секторите информации и комуникации, како и финансиски дејности и дејности на осигурување.
Владата во консултација со сите релевантни чинители во општеството, синдикати, комори, организации на работодавачи, креира амбиент за раст на просечната и на минимална плата во следните четири години. Посветени сме на реализација на стапките на економски раст од 4-5 отсто и покачување на платите за 20 до 30 отсто односно до 34 илјади денари во следните четири години со цел подобрување на стандардот на граѓаните и економијата во земјата“, информираат од Владата.
Просечната месечна исплатена бруто-плата по вработен, во ноември 2020 година, изнесува 41 141 денар.
Можеби ќе ве интересира
ФАКТОР АНАЛИЗА: Најуспешни компании во Градот на Гемиџиите - фамилијарен бизнис направи топ-добивка од „амбалажа“ за храна
Светски инвеститори со интерес за македонските стартапи
ФАКТОР АНАЛИЗА: Скопските ИТ компании доминираат со направените добивки кај програмерите
ЕКОНОМСКИ НАПРЕДОК: За две децении 10-те „нови членки“ на EУ го удвоија својот БДП
„Ќе забават инвестициите на германските компании во Македонија“: бизнис климата ја оценуваат како добра, но недостига стручен кадар
ФАКТОР АНАЛИЗА: Најголеми компании по добивка во Струмица - Панче Заев и Г'на дебитанти
ИЗМАЧУВАЧКО БАВНО ЗАКРЕПНУВАЊЕ: Европската комисија ја намали економската прогноза за Германија
Меѓународните туристи добиваат подобро искуство за патување со преференцијалните мерки на Кина
ЗА ДОБРА ГОЛТКА ВИНО СТРАНЦИТЕ НЕ ЖАЛАТ ПАРИ, „ТИКВЕШ“ СО ПРИХОД ОД НАД СЕДУМ МИЛИОНИ ЕВРА - еве колку е чистиот профит за три месеци
