ВМРО-ДПМНЕ: Без референдум никој не смее да го реши името
Објавено во: Македонија 23 Декември, 2017
Опозициската партија ВМРО-ДПМНЕ покрај изборот на Мицкоски како нов претседател кој го наследи Груевски, донесе и повеќе одлуки и резолуции кои ќе ја постават трасата на идно решавање на политичките предизвици.
„Партиска стратегија и политика е потврдена – нема промена на Уставот со цел промена на уставното име на Македонија, ВМРО-ДПМНЕ нема да прифати идеи и предлози што би го загрозиле македонскиот народ и идентитет, јазик и култура, ВМРО-ДПМНЕ како одговорна и народна партија нема да дозволи кое било решение да биде прифатено од политичари и поединци без да се изјаснат граѓаните на референдум, а притоа мнозинството да се согласат со тоа решение, рече Александар Николовски од ВМРО-ДПМНЕ.
На Конгресот БМРО-ДПМНЕ ја претстави Стратегијата за влез во ЕУ и НАТО според која опозицијата ќе продолжи да дава поддршка за евроинтеграциите како стратешка цел, но нема да поддржи промена на името без за тоа да бидат прашани граѓаните на Република Македонија.