ВМРО ДПМНЕ бојкотира-Не дојдоа на координација во Собрание
Објавено во: Македонија 29 Мај, 2017
Новата опозициска партија ја бојкотира денешната координативна средба меѓу партиите во Собрание.
Од ВМРО ДПМНЕ не присуствувале на оваа средба која е во функција на утрешната закажана седница на која се очекува да се избере новиот владин кабинет.
Оливер Спасовски од СДСМ, Ејуп Алими од ДУИ, Весел Мемеди од Алијансата на Албанците, Бардул Даути од ДПА, Африм Гаши од Беса со спикерот Џафери го договарале редоследот на обраќање на претставниците на партиите по обраќањето на мандатарот.
Според Деловникот за работа на Собранието, мандаторот ја образложува програмата и предлогот за состав на Владата пред пратениците.Потоа по таа програма и составот на Влада, Собранието води претрес најмногу два дена. Редоследот на пратениците кои ќе учествуваат во претресот го утврдува претседателот на Собранието на начин кој обезбедува учество во претресот на пратеници од различни политички партии застапени во Собранието, стои во Деловникот.
Гласањето за избор на Владата се врши по предлогот за состав на Владата во целина, со јавно гласање. Гласањето се врши по завршување на претресот, а најдоцна во 24:00 часот. Владата е избрана ако за неа гласало мнозинството од вкупниот број пратеници. Претседателот на Собранието го известува претседателот на државата за изборот на Владата.