ВМРО-ДПМНЕ: Власта ја направи Македонија земја со најмногу терористи на жител
Објавено во: Македонија 24 Февруари, 2018
Јавното обвинителство и судот без никакви вистински, правни аргументи тргнле во конструкција на непостоечки случај за тероризам и ја посрамотиле државата ставајќи ја на мапата на држави со најмногу терористи по глава на жител, соопшти опозициската ВМРО-ДПМНЕ.
- Без никаква правна основа прогласија за терористи актери, режисери, оперски пејачи, архитекти, доктори, припадници на безбедносните сили и други патриоти чиј единствен грев е тоа што си ја сакале сопствената земја. Ублажувањето на мерката притвор, од ефективен во куќен, за само дел од неправедно приведените не е правда = сметаат од ВМРО-ДПМНЕ.
Според нив, правдата ќе биде задоволена кога сите ќе бидат ослободени и ќе биде отфрлена и квалификацијата „тероризам“. ОД ВМРО-ДПМНЕ истакнуваат дека остануваат уште три дена до истекот на третиот месец од неправедното притвaрање на патриотите кои имаа храброст гласно да говорат против антидржавните политики
- Јасно е дека нема никаков основ за натамошно задржување во притвор, освен доколку не се работи за нарачан прогон и тортура врз неистомислениците. Тоа се гледа и од фактот што патриотите кои беа сега ослободени, нивните жалби се разгледуваа и усвоија дури после 25 дена откако беа поднесени по изрекувањето на 30-те денови притвор - порачуваат од најголемата опозициска партија.
Партијата смета дека судот и јавното обвинителство не смеат веќе да си поигруваат на овој начин со приведените патриоти.
- Дурловски, Илиевски, Дамовски, Чавков, Божиновска, Мукоски, Тарчуловски, Николовски, Пешевска не се терористи. Тие се патриоти кои поради својата љубов кон Македонија станаа мета на актуелната власт. Повеќе од 90 дена притворот на овие луѓе беше користен како казна, а не како мерка на претпазливост. Тие се притворени без да биде исполнет ниту еден услов за таква мерка. Ова е пример за тортура и газење на основните принципи на демократијата - се наведува во соопштението на ВМРО-ДПМНЕ.
Партијата бара запирање на политичкиот прогон во Македонија, судството да се ослободи од стегите на власта, а обвинителството да запре со монтираните неосновани обвиненија.
Можеби ќе ве интересира
Ковачевски: По изборите ќе има партиски избори во СДСМ
„НЕ НИ ЛИЧИ НА НАМ ОД СДСМ ДА ЗАСТАНЕМЕ И ДА НЕ СЕ БОРИМЕ“: Спасовски преку фејсбук мобилизира, „Не смееме да се откажеме од иднината“
Анкетата на МКД.мк и Маркет најпрецизна за првиот круг претседателски избори
Таравари по телефонскиот повик од Мицкоски: ВМРО-ДПМНЕ разбира колку „тежиме“
ПОПЛАВА ВО ТОКСИКОЛОГИЈА: Пукнала цевка за парно, поплавени биле повеќе делови на клиниката
МАСКИРАН СО „ФАНТОМКА“ ВЛЕТАЛ ВО КАЗИНО СО АВТОМАТСКА ПУШКА - украл над 300 илјади денари, еве ги деталите
„АРТАН, ТЕРАПИЈАТА ТИ ЈА ПРЕПИШУВА Д-Р АРБЕН, ЌЕ ЈА ПРИМИШ НА 8 МАЈ“: Ганиу му се обрати на Груби
СЛАВЧО ПОПОСКИ ВЕЛИ ВИКЕНДОВ МОЖЕ ДА СЕ ПРАВИ СКАРА: Температурите ќе растат, во недела до 27 степени
„СОНЦЕТО ИЗГРЕА И Е УБАВ ДЕН ЗА ТУЖЕЊЕ“: Адвокатот Јанаки ќе го тужи Горан Костовски од Левица
