Во соседството заразен пациент се обиде да се самоубие скокајќи од балкон
Објавено во: Балкан 10 Ноември, 2020
Во Албанија 69-годишен маж заразен со Ковид-19 се обиде да се самоубие скокајќи од болнички балкон во Тирана.
Станува збор за 69-годишен маж од Фиер, кој една недела бил хоспитализиран во Инфективната клиника.
„Се фрлил од балкон од вториот кат од задниот дел на објектот, се здобил со тешки повреди на главата бидејќи паднал на бетонската патека. Лекарите се целосно ангажирани да му помогнат иако тој е во тешка состојба“, информираа од полицијата и министертвото за здравство.
Неговиот син за медиумите изјави дека татко му немал никакви психички проблеми.
Ова е четврт ваков случај. Претходно тројца пациенти заразени од Ковид-19 се самоубија со фрлање од болничките балкони на „Шефќет Ндроќи” или ковид-два болница.
Првиот случај е регистриран на 13 август, кога 29-годишно момче се самоуби со скокање од третиот кат на оваа болница, вториот на втори септември, кога 65-годишен маж го заврши својот живот скокајќи од четвртиот кат и на први ноември кога 52-годишен маж си го одзеде животот фрлајќи се од четвртиот кат, каде се сместени потешките случаи.