ВОДЕЧКА СИЛА ВО ПРОИЗВОДСТВО НА НАФТА: Четири причини поради кои Русија е толку успешна!

Добивај вести на Viber

Агенцијата Блумберг објави текст во врска со тоа што е потребно за да некој стане водечки произведувач на нафта.

1. Сила и покрај препреки

Руската нафтена индустрија ја докажала својата земја во последните неколку години. Производството се зголемувало и покрај големата рецесија која го зафатила светот, меѓународните санкции кои и се воведени на Русија и најголем пад на цената на нафта во ова време. Во септември, Русија постави рекорд во производството на нафта во постсоветско време-пумпала 11,1 милион барели дневно. За следната година, нафтените компании се подготвени да произведуваат уште повеќе, доколку Кремљ тоа го сака. Путин е за замрзнување на нафтата како би се смирил пазарот.

2. Инвестирање во она што го прават најдобро

Вложувања во време кога цената на барел била 100 долари, донело резултати. Најголемите руски нафташи „Роснјефт“ и „Лукоил“ истурија милијарди долари во Сибир каде се вредни нафтените полиња. Аналитичарите велат дека Русите имаат многу нафта која може да ја произведат по конкурентни цени.

3. Од минус направија плус

Ниските цени на нафтата ја погодиле руската економија, што довело до големи рецесии со најголемата буџетска дупка од 2010 година. Сето тоа довело до силен пад на рубљата во однос на доларот. Но евтината валута е плус за руските нафтени компании. Тие продаваат нафта за долари, а трошоците кои ги плаќаат, како што е дупчење, ги плаќаат во рубљи. Така да можеле да ги зголемат приходите, а од друга страна да ги намалат трошковите.

4. Владата се обезбедува со даноци

Загубите од ниските цени на нафтата воглавно ги сноси владата, која добива 37 отсто од својот приход од нафта и гас. Лани владата на тоа одговорила со изненадувачко зголемување на данокот на нафтените компании. Тоа помогнало да се забави влошувањето на јавните финансии.