Војската назад на улиците на Рио де Женеиро
Објавено во: Свет 17 Февруари, 2018
Бразилскиот претседател Мишел Темер потпиша декрет со кој војската ќе биде задолжена за безбедноста во Рио де Жанеиро, по зголемувањето на уличниот криминал и насилството на нарко бандите.
Војската ќе ги контролира сите операции за безбедност и ќе ја следи полицијата по таа уредба, невидена од крајот на 1985 година и воената диктатура.
Но, декретот на Темер ќе ја стави армијата надлежна и над полициските сили на градот - Бразил за првпат донесе ваква одлука откако во 1988 година воведе нов устав по две децении на воена диктатура.
Претседателот на Претставничкиот дом Родриго Маиа кој претходно учествуваше на состанокот со претседателот и неколку министери, зборуваше за „тешката и екстремна“ мерка која мора „добро да се обмисли и спроведе“.
Таа одлука е донесена ден по насилствата и вооружените напади на карневалот во Рио.
Армијата оперираше во Рио во текот на изминатата година и за време на Олимпијадата и Светското првенство.
Бразилскиот министер за одбрана Раул Јунгман ги оцени насилствата како „неприфатливи“, кои го извалкаа популарниот карневал.