Возот со српски мотиви доби нова релација
Објавено во: Балкан 18 Јануари, 2017
Возот кој требаше да сообраќа на релација од Белград до Косовска Митровица, но во саботата беше спречен на последната станица пред да влезе во Косово има нова релација.
Во следните десет дена ќе превезува патници на релација Краљево-Чачак-Пожега-Ужице соопштија денеска од компанијата „Србија воз“.
„Граѓаните на овој дел на Србија ќе бидат во можност да се возат и да го видат украсениот воз со мотивите од српското културно наследство од Косово и Метохија“- се наведува во соопштението на „Србија воз“.
Возот на 14-ти јануари тргна од Белград кон Косовска Митровица и беше запрен на станицата Рашка, затоа што се појавија информации дека пругата во Косово била минирана.
Српската министерка за сообраќај и инфраструктура Зорана Михајловиќ изјавила дека на раководството на „Србија воз“ му предложила, пред се поради сето она што се случуваше минатиот викенд, возот да вози во што е можно поголем број на градови во Србија.