ВРЕМЕТО ВО НАРЕДНИТЕ ДЕНОВИ: Кога се очекува стабилизација?
Објавено во: Македонија 06 Јуни, 2017
Во Македонија денеска во утринските и претпладневните часови ќе биде претежно сончево со локална облачност и топло време.
Попладне ќе има развој на нестабилност што ќе услови нестабилно време со врнежи од дожд, а врнежите ќе изостанат во крајните западни предели, централните како и во југоисточните и крајните источни предели. Ќе дува доумерен слаб југоисточен и југозападен ветер. Утринските температури ќе се движат од 8 до 17 степени, додека пак максималните дневни ќе достигнат до 21 односно до 33 степени. УВ индекс 8.
Во земјава утре во утринските и претпладневните часови ќе имаме претежно сончево време со појава на локална облачност, а попладне ќе следи зголемување на облачноста и нестабилно време со врнежи од дожд и грмотевици. Врнежите од дожд ќе изостанат во југоисточните предели. Минималните температури ќе бидат од 9 до 18 степени, а максималните од 22 до 34 степени. Од четврток ќе има стабилизација на времето, па во четврток, петок и сабота ќе биде претежно сончево со појава на локална облачност и топло време со температури кои што ќе бидат над просекот за овој период од годината. Во четврток утринските температури од 10 до 19 степени, а максималните од 21 до 32 степен. Во петок денот ќе го започнеме со посвежо утро и утринските температури ќе бидат во опаѓање и ќе се движат од 5 до 14 степени, а максималните температури ќе достигнат од 22 до 34 степени. Во сабота минималните температури ќе бидат од 7 до 16 степени, а максималните од 23 до 35 степени.