WeareLaika.com со истражување за критичните фактори за вработување на ИТ кадрите од регионот
Објавено во: Мои пари 06 Септември, 2019
Македонскиот стартап wearelaika.com, кој поврзува професионалци со ИТ компании од Македонија, Србија, Бугарија и Хрватска, започна истражување на пазарот на труд за програмери во овие четири земји. Целта е да се создаде силен и транспарентен пазар на труд во ИТ секторот, кој ќе им помогне во создавање на соодветни услови за работа за професионалците, но и ќе им олесни на компаниите при креирање на работните места.
Истражувањето се однесува на најчестите потреби на ИТ професионалците, кои иако се меѓу најдобро платените и во Македонија, се иселуваат од Балканот во големи броеви. Од Лаика апелираат до сите ИТ професионалци да ги одговорат неколкуте прашања анонимно и да придонесат кон формирањето на објективна слика за состојбите на пазарот на труд во ИТ индустријата.
Идејата е да им се дозволи на самите програмери да ги споделат одлучувачките фактори кои прават едно работно место да биде посакувано за нив. Во ИТ индустријата се забележува голем тренд на дебатирање за големите барања од страна на работната сила и квалитетот на работните услови.
Целта на компанијата е да ги претстави проблемите на програмерите преку бројки, за компаниите од целиот регион да се запознаат со статистиката. На платформата моментално се случува интеракција со повеќе од 6000 корисници и 100-тина компании од регионот.
Истражувањето е презентирано како open-source интерактивен инфографик, кој се ажурира на секој еден час и не складира никакви лични податоци на учесниците. Од компанијата сметаат дека ќе даде значајни резултати кои ќе влијаат на меѓусебното разбирање, транспарентноста и подобрувањето на работните услови за професионалците, не само во Македонија, туку и на целиот Балкански пазар на технологија и ИТ инженеринг.
Веб сајтот и интерактивниот инфографик се изработени од студенти на Академијата за кодирање на Бреинстер.
Можеби ќе ве интересира
Караванот „Не е до нив, до тебе е“ денеска патува до својата крајна станица – Drunken Monkeys
АПРИЛ ВОЗБУДЛИВ ЗА ИГРАЧИТЕ НА ВЛТ: ВИДЕОЛОТАРИЈА КАСИНОС АВСТРИЈА ИМ ИСПЛАТИ НА ИГРАЧИТЕ ФАНТАСТИЧНИ 46.238.549 ДЕНАРИ
Регионална кампања „Вистината е важна“ за опасностите кои ги носат дезинформациите и говорот на омраза
Дали се сеќавате на оваа игра? Би ја играле и денес?
Осум каратисти на „Макпетрол“ ќе учествуваат на Европскиот Шампионат во Хрватска
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
