За Данев освен двајца - тројца, другите кадри се веќе видени лица
Објавено во: Македонија 31 Мај, 2017
Пратеникот од ВМРО-ДПМНЕ, Драган Данев денеска во Собранието изјави дека со исклучок на двајца-тројца, кадрите кои ќе бидат дел од новата Влада се веќе видени лица и познати по своите дела, односно недела како што вели тој.
Данев спомна дека вредат да се истакнат, Арбен Таравари, Кочо Анѓушев и Горан Сугаревски.
Според него, во програмата Заев нагласува дека се важни влезот во ЕУ и НАТО, но наведе дека за ова мора да се смени името.
„Ако успеете да ја внесете Македонија во ЕУ и НАТО без промена на уставното име, од нас ќе имате сесрдна поддршка“ - вели Данев.
Тој вели дека е против сето она што се прави шверцерски.
Пратеникот од СДСМ, Максим Димитриевски побара да се извинат од ВМРО-ДПМНЕ за настаните од 27 април кога се посегна по животите на пратениците.
„Знаете што е разликата од тоа ВМРО и ова денеска, тоа се колнеше на Библија, пиштол и кама, а вие се колнете на „Жими мајка“. Оваа власт нема да го прави тоа. Нема да грабаме и разграбуваме од сопствениот народ“ - рече Димитриевски.
Томислав Тунтев од СДСМ рече дека говорот на Данев се граничи со шовинизам.