Добивај вести на Viber
Во декември 2013 година биле откупени земјоделски производи во вредност од 2,127 милијарди денари (34,6 милиони евра), што претставува намалување за цели 31,1% во споредба со декември 2012 година, објави Државниот завод за статистика.
Најголемиот пад е забележан во вредноста на откупените земјоделски производи од индивидуалните земјоделски производители, каде што е регистринано намалување од 37.8 отсто, додека продажбата од сопствено производство на претпријатијата е намалена за 4.4 проценти.
Се намалила вредноста на откупените и продадените жита, индустриски растенија, овошје, алкохолни пијалоци, добиток, млеко и млечни производи. Зголемување на вредноста е забележано кај зеленчукот, фуражните растенија, грозјето, живината и јајцата и рибата.