За Германците нема криза, рекордна потрошувачка пред Божиќ!

Добивај вести на Viber

Минатата година, германските трговци пред божиќните и новогодишните празници заработиле околу 79,2 милијарди евра. Причините за овие поволни прогнози се оправдани,  бидејќи според Здружението за истражување на потрошувачката (ГфК), оваа година Германците во просек ќе потрошат 258 € само за божиќните подароци за семејството, роднините и пријателите. Неповолните предвидувања и тековната криза во еврозоната очигледно дека не ги нарушија празничните навики за трошење кај Германците, а оваа година тие ќе трошат во просек по речиси 24 евра повеќе за подароци од 2011-та односно повеќе од било кога досега. Особено дарежливи во подароците се граѓаните постари од 50 години. Во таа група на луѓе, секој четврти Германец троши над 400 евра за подароци. Според податоците од анкетите спроведени од страна мна Поштенската банка, минатата година секој шести припадник на групата граѓаните постари од 50 години, дал толку многу пари за подароци пред Божиќ. Друштвото за истражување за потрошувачката смета дека постојат повеќе причини поради Германците повторно оваа година, не штедат на божиќниот шопинг, својата индивидуална економска ситуација ја сметаат како позитивна, а стравот од инфлација е низок. На поволната потрошувачка клима влијае и релативната безбедност на работното место во Германија. Анкетите покажуваат дека тие сеуште традиционално за божиќните празници најчесто подаруваат книги, потоа играчки, облека, накит и модни додатоци. Дури по нив доаѓаат друштвените игри, дигитални камери и таблет компјутерите.