ЗА ПРВ ПАТ ВО ИСТОРИЈАТА: Американски претседател стапна во Северна Кореја
Објавено во: Свет 30 Јуни, 2019
Американскиот претседател Доналд Трамп стана првиот шеф на државата кој што ја премина границата меѓу Јужна и Северна Кореја.
Тој се сретна со севернокорејскиот лидер Ким Џонг Ун во демилитаризираната зона. Трамп изјави дека бил поканет од Ким да ја помине границата и да стапне во Северна Кореја.
Американскиот претседател беше во Јужна Кореја на состанокот со претседателот на земјата, Мун Џин. Тој за Твитер изјави дека му понудил на Ким да се сретне со него во демилитаризираната област за време на (веќе планираната) посета на областа. Неколку часа подоцна беше потврдено дека Ким ќе одговори.
По помалку од минута лидерите на САД и Северна Кореја повторно се упатија кон границата со Југот и се фотографираа на јужнокорејската територија каде споделија симпатиите еден кон друг и надеж за обновување на дијалогот. Двајцата за последно се состанаа во Виетнам оваа година, кога Трамп си замина од средбата поради несогласувања со Ким.
Потоа претседателот на САД и севернокорејскиот лидер дадо кратки изјави за медиумите на позадината на знамиња на двете држави, зголемувајќи ги шпекулациите дека средбата е всушност одамна договорена.
Фото Ројтерс