„За заедничка Македонија“ протестираше ама на велосипед
Објавено во: Македонија 12 Март, 2017
Поддржувачите на граѓанската иницијатива „За заедничка Македонија“ денеска наместо на протест возеа велосипеди.
Симболична велосипедска тура во Скопје и во уште 20-ина градови помина низ Македонија, како дел од викенд алтернативната програма преку која упатува пораки за зачувување на унитарноста на земјава.
Симболичната патека на државноста почна пред фонтаната во Градскиот парк, продолжи пред Владата и заврши пред Собранието.
Богдан Илиевски од граѓанскатата иницијатива „За заедничка Македонија“ изрази благодарност до граѓаните кои, како што рече, минатата недела масовно излегоа на улиците да ја поддржат иницијативата.
Вчера, пак поддржувачите наместо на протест беа дел од музички хепенинг за кој задолжение беа Даниел Кајмаковски и групата Паркети.