Заев: Ајде Груевски охрабри се и излези на дуел
Објавено во: Македонија 21 Октомври, 2016
Зоран Заев, лидерот на опозицијата, ја поздрави одлуката на дел од членовите на ВМРО-ДПМНЕ да се појават на телевизиските дебати каде ги спротиставуваат ставовите со своите политички проитивници. Токму затоа Заев смета дека време е и Груевски да се охрабри и по 10 години на апстиненција од ТВ дебати да излезе на дуел.
- Заслужува граѓанинот на Македонија да има дебата меѓу шефот на опозицијата и шефот на владејачката партија. Тежнееме да бидеме демократско општество, нема зошто да се плаши Груевски, мора да ги спротивставиме ние нашите ставови. Само така граѓаните ќе знаат што е суштината во проблемот, и што се во суштина решенијата на самиот проблем од било кој аспект во Македонија. Се надевам, повикувам најдоборонамерно, обврска на сите нас е да седнеме на дебати, да организираме неколку дебати, да разговаме за проблемите во Македонија. Тој знае многу добро дека заминува, но неговата партија ќе остане во опозиција. Животот не завршува на 11 декември, мораме заедно сите да живееме во Македонија. Еве неколку луѓе се охрабрија, прифатија, на ред е и Груевски, посочи Заев на денешната прес конференција во Штип.
За потсетување последната ТВ дебата во Македонија меѓу двајца кандидати за премиер имаше во далечната 2002 кога за последен пат се соочија Љубчо Георгиевски и Бранко Црвенковски, а на сите наредни изборни циклуси Груевски ги одбиваше повиците на своите противници.