Заев: Македонија доби силен сојузник во Бугарија, одиме напред
Објавено во: Македонија 17 Ноември, 2017
Македонскиот премиер Зоран Заев дава проценки дека до крајот на годината ќе бјиде ратификуван Договорот за добрососедство и пријателство од страна на Собранието откако претходно на 1 август ден пред Илинден го потпиша заедно со бугарскиот премиер Бојко Борисов.
Премиерот Зоран Заев во интервју за Бугарската национална телевизија – БТВ рече и дека Македонија и Бугарија не се само пријатели, туку дека станале и сојузници.
„Македонија доби со Договорот за добрососедство со Бугарија, а не загуби ништо. Ние зборуваме на јазик на којшто се разбираме. Само заедно можеме да си помогнеме и да одиме напред“, изјави Заев.
Во однос на историските прашања што ги засегаат двете земји, Заев рече дека во учебниците веќе не се говори за „бугарскиот фашистички окупатор“ и оти македонското општество го осудило уништувањето на споменикот на Кајмакчалан зашто тоа предизвикало страдање кај Бугарите.