Заев: Македонија ќе биде неутрална на следното изјаснување за приемот на Косово во УНЕСКО

Добивај вести на Viber

Лидерот на СДСМ, Зоран Заев, изјавил дека Македонија на следното гласање за членството на Косово во УНЕСКО ќе биде неутрална, објавија српските медиуми.

Заев во изјава за ТВ Прва, на прашањето за тоа како ќе гласа Македонија за време на следното изјаснување за приемот на Косово во УНЕСКО, кратко одговорил „неутрално“.

Заев за ТВ Прва изјавил дека сака да гради добри односи и додал дека доколку „претерал“ во изјавите кои неодамна ги даде на сметка на властите во Србија, подготвен е да ги повлече, ако тие предизвикале „лошо чувство кај политичарите“.

Медиумите во соседна Србија потсетуваат дека македонската влада уште во 2008 година донела одлука за поддршка на независноста на Косово, со што претходно ја потврди одлуката на македонскиот Парламент. Официјално Скопје пред две години, во 2015 година го поддржа и приемот на Косово во УНЕСКО.

На прашањето дали албанските политички партнери му рекле дека тужбата за геноцид е дел од нивната програма, Заев рекол дека не му го кажале тоа, и дека „тие можат да даваат какви било политички изјави“. 

Заев вели дека политичарите треба да гледаат напред.