Заев преку изјава ќе ја гарантира унитарноста
Објавено во: Македонија 05 Мај, 2017
Лидерот на СДСМ; Зоран Заев вели дека се подготвени со изјава да ја гарантираат унитарноста за да добијат мандат од претседателот, Ѓорѓе Иванов.
„Ние сме подготвени преку изјава, пишана, јавно, гласно да ги потврдиме уште еднаш пред господинот Иванов, нашите конечни дефинитивни и непоколебливи конфирмации или потврди за унапредување на унитарноста на Република Македонија, заштита на територијалниот итегритет, суверенитетот на Македонија, целосно почитување на Уставот и секако, отворање перспективи за нашата интеграција во НАТО и ЕУ, сето она што е важно за сите граѓани на нашата земја без разлика на нивната политичка, етничка, социјална припадност или слично“ - вели Заев.
Тој рече дека Македонија мора да оди напред и верува дека преку меѓусебно разбирање и изнаоѓање решенија преку дијалог ќе ги водат процесите од проста и едноставна причина, граѓаните се изморени од кризи, изморени се од насилства.