Денес е неработен ден по повод големиот христијански празник Богојавление Водици кога се осветуваат водите и се одржуваат манифестациите за фаќање на светиот крст. Македонскиот премиер најави дека ќе учествува во Струга, каде во водите на реката Црн Дрим ќе се фрла крстот.
Најмасовно одбележување ќе има во Охрид каде се пријавени 350 скокачи по крстот, а Богојавление е повод за посета и на голем број на гости во овој најголем туристичка македонски центар.
Во Скопје пријавени се 150 скокачи на централната манифестација за осветување на водите на реката Вардар.
во периодот од 10 часот, па до завршувањето на манифестацијата по повод Водици, во центарот на Скопје за сообраќај ќе бидат затворени улиците „Филип Втори“ до бул. „Гоце Делчев“ и ул.„Кеј 13-ти Ноември“ до бул.„Кочо Рацин“. Во општина Ѓорче Петров од 10 часот за сообраќај ќе бидат затворени сообраќајницата од црквата „Свети Петар и Павле“ десно по бул. „Партизански Одреди“, десно по ул.„Ѓорче Петров“, лево по ул. „Васил Чакаларов“. Како и од црквата „Свети Пантелејмон“ по ул.„Демир Трајко“ и лево по ул.„Васил Чакаларов“ до Железничкиот мост на реката Вардар. Во општина Аеродром од 10 часот за сообраќај ќе биде затворен локалниот пат кон с. Лисиче.