ЗАГИНАА 140 ЛУЃЕ, ПОВРЕДЕНИ СЕ 360: Колку луѓе се водат како исчезнати по нападот во Москва?
Објавено во: Свет 27 Март, 2024
Порасна бројот на жртви во нападот кој во петокот се случи во руската престолнина Москва, односно се искачи на 140, а 143 луѓе се исчезнати.
Истражниот комитет на Русија примил 143 извештаи за лица кои исчезнале за време на терористичкиот напад, објави новинската агенција ТАСС.
„Истражниот комитет на Руската Федерација примил 143 пријави за жртви од нивни роднини или најблиски, кои велат дека исчезнале како резултат на терористичкиот напад“, се вели во соопштението.
Истражниот комитет соопштил дека се идентификувани 84 тела, меѓу кои и телата на пет деца.
„Се спроведуваат молекуларни генетски тестови за да се утврди идентитетот на останатите загинати луѓе“, соопшти Комитетот.
Моменталниот биланс на загинати во терористичкиот напад во „Крокус“ е 140. Според последните информации повредени се 360 лица.
Уапсени се 11 терористи за нападот. Станува збор за државјани на Таџикистан и Киргистан.
Директорот на руската Федерална служба за безбедност (ФСБ), Александар Бортников, денеска, изјави дека САД, Велика Британија и Украина стојат зад нападот на концертната сала во Москва.