ЗАГРОЗЕНИ СЕ КУЌИ И ВИКЕНДИЦИ: Голем пожар има кај село Руѓинце
Објавено во: Македонија 05 Септември, 2023
Голем пожар има кај село Руѓинце, а полициски хеликоптер и ер-трактор се на терен.
Пожар попладнево изби во атарот на селото Руѓинце, Општина Старо Нагоричане. Силниот ветер брзо го рашири пожарот поради што е изгубена почетната контрола врз него.
„Според временската прогноза на УХМР, не се очекува дожд во тој регион. Поради загрозувањето на куќи и викендици и брзото ширење на пожарот поради силниот ветер, ангажиран е еден полициски хеликоптер и еден Ер трактор на ДЗС“, соопштија од ЦУК.
Претходно, во овој регион, три куќи изгореа во Бељаковце. Се работеше за стари, но функционални куќи.
фото ЦУК