Заменик министерот Назим Буши ноќевал по цена од 20.000 евра
Објавено во: Македонија 25 Декември, 2022
Според албанскиот медиум „Ора Њуз“, 20.000 евра за едно ноќевање, во хотел со луксузен апартман, платил заменик министерот за внатрешни работи, Назим Буши. Тој престојувал една ноќ во претседателскиот апартман „Парк Босфор Хотел“ во Истанбул.
Буши за Клан Македонија нагласи дека се работи за приватно патување од здравствени причини, кое било планирано уште пред тој да стане заменик министер. Тој отпатува за Турција во октомври 2020 година, а стана заменик министер на 23 септември истата година.
„Се работи за приватно патување пред три години, планирано три-четири месеци пред да станам заменик министер. Бевме во Турција за медицинска интервенција за член на семејството во „Коч Хоспитал“. Во хотелскиот апартман останаа повеќе луѓе, бевме гости кај двајца семејни пријатели кои се грижеа за сместувањето. Не знам кој ја платил сметката и колку чини ноќта, но сумата од 20.000 евра е преголема“, рече Назим Буши, заменик министер за внатрешни работи.