ЗАТИШЈЕ ПОСЛЕ ХАОСОТ: Улиците околу Собрание отворени за сообраќај
Објавено во: Македонија 29 Април, 2017
Улиците околу Собранието од утрово повторно се отворени за сообраќај, а околу самата зграда е забележливо присуство на полиција.
По инцидентот во четврток улиците околу Законодавниот дом беа затворени кога група граѓани негодуваше дека Талат Џафери е избран за спикер на македонскиот парламент.
При таа прилика повредени се над 100 лица, од кои 83 се префрлени во државната клиника.
Поради предизвикувањето на нереди полицијата уапси осум лица.
И вчерашниот ден помина во речиси мирна атмосфера.