Заврши тричасовната коалициска средба во Бугарија, прашањето по Македонија мора да помине во парламентот
Објавено во: Македонија 28 Мај, 2022
По речиси три часа заврши состанокот на владејачката коалиција во Софија на кој се разговараше за бугарската позиција за Македонија. По средбата пред медиумите се обрати шефицата на кабинетот на премиерот Кирил Петков, која рече дека меѓу страните од владеачкото мнозинство има согласност дека секој договор мора прво да помине во парламентот.
„Во однос на Република Северна Македонија, темата е многу важна за целото бугарско општество како и за бугарската позиција. Коалицијата имаше многу конструктивен дијалог на оваа тема, се договоривме дека за нас е најважно да имаме целосна согласност за оваа тема и се потврди ветувањето дадено од целата коалиција дека темата ќе помине во народното Собрание, а дотогаш ќе ги оставиме дипломатите во министерствата за надворешни работи да продолжат со својата работа. Тие во моментов активно работат и се обидуваат најдобро да ги заштитат бугарските интереси, како и позицијата на целата коалиција, рече Лена Бориславова, шеф на кабинетот. на премиерот Кирил Петков.
Сè уште нема документ прифатлив за двете страни што ќе биде основа за кревање на ветото од страна на Бугарија, изјави вчера премиерот Димитар Ковачевски, нагласувајќи дека почетокот на преговорите со ЕУ не зависи од Владата, туку од решавањето на отворениот спор со Бугарија и одлуката на 27-те членки на ЕУ.